مێداسۆن
دەستپێکرنا دەستپێشخەریا ڤەکۆلینێ "مێداسۆن" ل کۆلیژا پزیشکی - زانکۆیا دهۆک
"مێداسۆن" دەستپێشخەریەکا وەرچەرخێنە یا ڤەکۆلینێ یە کو ژلایێ کۆمەلەکا قوتابیێن پزیشکی ل کۆلیژا پزیشکی ل زانکۆیا دهۆک هاتیە دەستپێکرن. ئارمانجا ڤێ بەرهەڤیێ ئەوە کو شیانان بدەتە کۆمەلەکا قوتابیێن پزیشکی ب شێوەیەکێ خۆبەخش بۆ ئهنجامدانا ڤەکۆلینێن زانستی ل دەمەکێ کورت و دیارکریدا.
ئەڤ چالاکیە ب بەستنا خولەکا راهێنانێ یا چڕ بۆ دەمێ سێ ڕۆژان (٥ هەتا ٧ی تشرینا ئێکێ) ل سەنتەرێ راهێنانا لێهاتوویێن کلینیکی دەستپێکر، کو تێدا تەرکیز هاتەکرن سەر بنەمایێن سەرەکی یێن ڤەکۆلینا زانستی. خول ژلایێ سێ مامۆستایێن ئاستبەرز هاتە پێشکەشکرن: پ.د.هـ. ئاری حەبیب، پ.د.هـ. هەژمەت عەلی، و د. ئازری ساڵح.
پشتی ب داوی هاتنا خولا راهێنانێ، ٣٠ قوتابیێن پشکدار هاتنە بەلاڤکرن سەر ٦ گرووپان (کۆمەلان)، کو هەر گرووپەک ژ ٥ قوتابیان پێکدهێت و هر مامۆستایەک سەرپەرشتیا دوو گرووپان دکەت. بۆ هەر گرووپەکێ بابەتەکێ دیارکری ئینایە هەڵبژارتن دگەڵ پلانا کارکرنێ، دا کو پڕۆژەیێن خۆ بجهبینن و ل کنفرانسەکێ زانستی ل دووماهیا هەیڤا تشرینا دووێ پێشکەش بکه ن.
ئەڤ دەستپێشخەریە ئێکەم چالاکیا ل سەر ئاستێ دەڤەرێ دهێتە هەژمارتن کو رێ خۆش دکەت بۆ قوتابیێن پزیشکی ل سەر ئەنجامدانا پڕۆژەیێن ڤەکۆلینێ یێن گرێدای کێشەیێن گرنگ یێن ساخلەمیا گشتی.